Aden Endul 1

Ti iraha aya Aden Endul dina Mangle? Upama ngungkaban arsip Mangle mah, ti taun 1986 ge geus midang. Mayeng unggal minggu nepi ka ayeuna, meh taya copongna. Hartina, geus 28 taun Budi Riyanto Karung ngagambar Aden Endul teh. Mun ngitung edisi Mangle mah, leuwih ti 1.000 edisi. Ku kituna, asana teu kaleuleuwihi mun aya nu nyebutkeun yen Aden Endul teh salah sahiji ikon majalah Mangle. Memeh ieu buku medal, Aden Endul bacacar keneh. Ku kituna, medalna buku Aden Endul teh bari ngingetan deui balarea, yen di antara ilustrator Sunda, aya Budi Riyanto Karung nu geus puluhan taun mesek ide-idena pikeun kartun Sunda.