Sisindiran jeung Wawangsalan Anyar

Sisindiran jeung Wawangsalan Anyar beunang Dedy Windyagiri teh bisa jadi lain buku munggaran ngeunaan sisindiran jeung wawangsalan. Samemehna kungsi terbit buku Wawangsalan jeung Sisindiran beunang R.E. Bratakusuma jeung Mas Adinata nu medal samemeh perang di Bale Pustaka. Dina ieu buku mah urang bakal manggihan leuwih ti 150 sisindiran jeung leuwih ti 200 wawangsalan, ditambah wawangsalan rineka dangding pupuh Kinanti, Sinom, Asmarandana jeung Dangdanggula, kabehanana sisindiran jeung wawangsalan anyar. Nitenan wawangsalan anu aya dina ieu buku kabuktian wawangsalan teh heunteu ngan ulukutek dina belut sisit saba darat, teu beunang disupa dulang, teu beunang dihurang sawah bae. Ngaran ibukota hiji nagara, ngaran kleup maen bal, ngaran jago tinju legendaris, ngaran jago maen bal legendaris, ngaran wayang, ngaran ramo limaanana, jeung sabangsana bisa jadi ungkara wawangsalan anu teu kurang-kurang payusna.