Utara Utari: Jeung Dongeng - Dongeng Sunda Lianna

Singa sajodo anu kacida galakna ngahaja dikencarkeun. Saha anu bisa maéhan jaluna, baris dijenengkeun raja. Ari anu maéhan bikangna bakal diganjar duit tilu ratus keton emas. Radén Utara bisa maéhan singa jalu. Ari singa bikangna dipaéhan ku Radén Utari. Saenyana éta dua sadulur téh keur ngalalana, pikeun ngalaksanakeun pancén ramana, nyaéta néangan kembang Pancawarna. Ahirna duanana jeneng raja. Radén Utara di Nagara Lawang Emas. Radén Utari di Nagara Tawang Sekar. Sajaba ti carita Utara-Utari, dina ieu buku aya 15 dongéng petingan lianna. Aya dongéng sasatoan, asal-usul hiji tempat, jeung lalampahan jalma sarakti. Tangtu waé matak pogot dibacana.