Ochank

Itu tuh, euy! cek nu saurang bari maledogkeun guruntulan taneuh garing. Enya bae oray bedul, cek Ochank dina hatena. Awakna gede semu buntet, sisitna mani herang. Oray teh dikepung ku lobaan, bari ditarimbulan. Bek aya anu keuna kana awakna. Oray ngagorempal, tapi terus ngaleor deui. Ku barudak terus dibeberik. Enggeus euy, tong dipaehan! omong Ochank bari ngahalangan budak anu mamawa paneunggeul. Halik tong ngagokan! Ih, antep! Karunya, omong Ochank deui bari angger ngahalangan. Tapi budak anu mawa awi teh kalah ngahabek satakerna, sabot oray ngaleor kana deukeut suku Ochank. Atuh puguh wae, jadi suku anu kateunggeul teh.