Numbuk di Sue

Numbuk di Sue karya Moh. Ambri—sastrawan realis Sunda nu kawentar—nyaritakeun pangalaman sababaraha murid sakola di Bandung ka basisir kidul di daerah Garut, nyaeta Cisompet jeung Pameungpeuk. Maranehna arulin ka Pakidulan Garut teh waktu pakansi ahir taun sabada rengse samen di sakolana. Pangalaman anu dicaritakeun ku Emang si kuring—nu nyaritakeun ka urang—ngagunakeun kalimat-kalimat nu teu make subyek. Ku lantaran kitu, caritana teh jadi hirup jeung dipiwanoh ku nu macana. Dina perjalananana, maranehna mindeng ngalaman apes, teu nepi kana nu geus direncanakeun jeung diajamkeun. Pangalaman di basisir kidul Garut nu pangdipikaresepna nyaeta moro badak—nu mangsa harita masih keneh loba kapanggih di dinya. Malah fragmen moro badak mah kungsi ditarjamahkeun kana basa Inggris (Stories from Asia, 1978), tuluy kana basa-basa Asia kayaning Jepang, Cina, Koréa, Hindi, jll-na.